Asset Publisher

በኢትዮጵያ በፋይናንስ ተቋማት ላይ የተቃጣው የሳይበር ጥቃት ከ200 በላይ በሆኑ ጥቃት አድራሾች የተከሰተ ነው

 

በኢትዮጵያ በፋይናንስ ተቋማት ላይ ያነጣጠረ የሳይበር ጥቃት ከ200 በላይ ብዛት ባላቸው የጥቃት አድራሽ ሲስተሞች (Botnet) መነሻ ያደረገ መሆኑን የኢንፎርሜሽን መረብ ደህንነት ኤጀንሲ ገለጸ

በሀገራችን ውስጥ በሚገኙ የፋይናንስ (የመንግስት እና የግል ባንኮች) መሠረተ-ልማቶች ላይ ከፍተኛ የተባለ ኔትወርክ ትራፊክ (Distributed Denial of Service Attack (DDoS)) በመላክ ተቋማቱ የሚጠቀሙባቸውን ሲስተሞች ከአገልግሎት ውጪ ለማድረግ የተቃጣ ጥቃት መሆኑን ኤጀንሲው አስታውቋል

በቀን 25/03/2012 ዓ/ም የሳይበር ጥቃት ድንገተኛ ዝግጁነት እና ምላሽ ሰጪ ማዕከል በደረሰው መረጃ (ኢንተለጀንስ) መሰረት በተወሰደው የመከላከል እርምጃ የጥቃቱ ሙከራ ከተቋማት ወደ ተቋማት ሳይዛመት የመግታት ስራ ተሰርቷል።

ችግሩ ደርሶ ቢሆን ኖሮ ይደርስ የነበረው አደጋ የከፋ ይሆን ነበር ያለው ኤጀንሲው በዚህም ሂደት ውስጥ ከኔትወርክ ጀርባ ሆኖ የመከላከል ስራዎችን ለመስራት ሲባል ለ20 ደቂቃዎች ያህል የኢንተርኔት መቋረጥ ተከስቷል።

በሀገር አቀፍ ደረጃ የተለያዩ የሳይበር ቅድመ ጥቃት ዝግጁነት ተግባራትን ማከናወኑን የገለጸው ኤጀንሲው የማህበረሰቡን የሳይበር ደህንነት ንቃተ ህሊና ግንዛቤ በማሳደግ ረገድ አስተማሪ እና ጠቃሚ ስራዎችን በመስራት ላይ ነው።

ኤጀንሲው አያይዞም በሀገር ደረጃ የሳይበር ደህንነት ፖሊሲ፤ ስትራቴጂ እና ስታንዳርድ በመቅረፅ የአሰራር ስርአት በመዘርጋት  ለሚፈጠሩ የሳይበር ጥቃቶች ምላሽ የመስጠት ስራ እያከናወነ ይገኛል፡፡

የኢንፎርሜሽን መረብ ደህንነት ኤጀንሲ በአዋጅ በተሰጠው ስልጣን መሰረት ኮምፒውተርን መሰረት ያደረጉ ቁልፍ መሰረተ ልማቶች ደህንነት ማረጋገጥ ነው ያለው ኤጀንሲው ይህን ተግባር ለማከናወን  የሳይበር ጥቃት ድንገተኛ ዝግጁነት እና ምላሽ ሰጪ ማዕከል አቋቁሞ በመስራት ላይ ይገኛል።

ማዕከሉ በኢትዮጵያ ውስጥ የሚገኙ ቁልፍ የሳይበር መሰረተ ልማቶች እና ፋይናንስ ተቋማትን ጨምሮ ሊያጋጥሙ የሚችሉ የሳይበር ጥቃቶች ምላሽ የመስጠት እና የመከታተል   ስራዎች በአዋጅ ተሰጥቶት እያከናወነ መሆኑ ይታወቃል፡፡

በቀጣይም የፋይናንስ ተቁማትን ኢላማ በማድረግ የሚፈጸሙ የሳይበር ጥቃቶችን ለመከላከል እና ከጊዜ ወደ ጊዜ እየሰፋ የመጣውን የሳይበር ጥቃት ለመቀነስ ሁሉን አቀፍ የሳይበር ደህንነት ማስጠበቂያ አማራጮችን መተግበር ቀዳሚ እርምጃ መሆን ኤጀንሲው ያሳስባል።

 

Most Viewed Assets

በብዛት የተነበቡ ዜናዎች

ኢሞቴት ቫይረስ በድጋሚ መከሰቱ ተነገረ
  • ኢሞቴት ቫይረስ በድጋሚ መከሰቱ ተነገረ Thu, 26 Sep 2019
ኢትዮጵያና እስራኤል በሳይበር ደህንነት መስክ በጋራ ለመስራት ተስማምተዋል
  • ኢትዮጵያና እስራኤል በሳይበር ደህንነት መስክ በጋራ ለመስራት ተስማምተዋል Wed, 25 Sep 2019
በኤሌክትሮኒክ መገልገያዎች ላይ የተጋረጠውን የሳይበር ደህንነት ስጋት እንዴት መቅረፍ እንችላለን?
  • በኤሌክትሮኒክ መገልገያዎች ላይ የተጋረጠውን የሳይበር ደህንነት ስጋት እንዴት መቅረፍ እንችላለን? Wed, 25 Sep 2019