Asset Publisher

ኤጀንሲው  በአሻራ የሚደረገውን የሰዓት ቁጥጥር ላልተወሰነ ጊዜ አቋረጠ

 

አዲስ አበባ መጋቢት 10/2012፡-የኢንፎርሜሽን መረብ ደህንነት ኤጀንሲ (ኢመደኤ) በአሻራ የሚደረገውን የሰዓት ቁጥጥር ላልተወሰነ ጊዜ አቋርጧል፡፡

የኤመደኤ ዋና ዳይሬክተር ዶ/ር ሹመቴ ግዛው በኤጀንሲው የኮሮና ቫይረስ ስርጭትን  ለመከላከል የጤና ዴስክ ሥራ ክፍል በተቋሙ ያከናወናቸውን ሥራዎችን ተዘዋውረው ጎብኝተዋል፡፡

ዋና ዳይሬክተሩ በጉብኝታቸው ወቅት ሠራተኞች ለኮሮና ቫይረስ /COVID-19/ ተጋላጭ እንዳይሆኑ ቅድመ ጥንቃቄዎችን እንዲያደርጉ መልዕክት አስተላልፈዋል፡፡

በተለይም ቫይረሱ በዋናነት ይተላለፍባቸዋል የተባሉ መንገዶች ላይ ግንዛቤ ለመፍጠር እጃቸውን በሳሙና በመታጠብ ለሠራተኞች መልዕክት ያስተላለፉ ሲሆን ኤጀንሲው በአሻራ የሚደረገውን የሰዓት ቁጥጥር ላልተወሰነ ጊዜ እንዲቋረጥም አድርገዋል፡፡

ሠራተኞች ቶሎ ቶሎ እጃቸውን በአግባቡ በሳሙና በመታጠብ እና ባለመጨባበጥ ለቫይረሱ ተጠቂ እንዳይሆኑ ተገቢውን ቅድመ ጥንቃቄ ሊያደርጉ እንደሚገባ መልእክታቸውን አስተላልፈዋል፡፡

የኮሮና ቫይረስ ስርጭትንም ለመቀነስ የሰዓት መቆጣጠሪያ አሻራ በኤጀንሲው ላልተወሰነ ጊዜ እንዲቋረጥ መመሪያ የሰጡት ዋና ዳይሬክተሩ የጤና ችግር ያለባቸው ግለሰቦች እና ነፍሰጡሮች ጥንቃቄ በተሞላበት መልኩ  እንዲገለገሉ እና ሌሎች ተጠቃሚዎች ግን ሊፍት እንዳይጠቀሙ መክረዋል፡፡  

በኢመደኤ ጤና ዴስክ ባለሙያ አቶ እስራኤል አለማየሁ በኤጀንሲው የኮቪድ 19 ስርጭትን ለመከላከል ለተቋሙ ሠራተኞች የግንዛቤ መስጨበጫ ሥልጠናዎች በተለያዩ መንገዶች መሰጠቱንና የንፅሕና መጠበቂያዎችን ለሠራተኞች ተደራሽ መሆኑን ተናግረዋል፡፡

የኤጀንሲው የጤና ዴስክ በመጸዳጃ ቤት ውሃ እንዳይቋረጥ፣ ሳሙና በቋሚነት እንዲቀመጥ እንዲሁም የመጸዳጃ ቤት በሮች፣ መቀመጫዎች፣ እጀታዎች፣ የሊፍት ቁጥር መጫኛዎች በአልኮል ቶሎ ቶሎ እንዲጸዱ የክትትል ስራዎችን እያከናወኑ መሆኑን አቶ አስራኤል ጨምረው ገልጸዋል፡፡

Most Viewed Assets

በብዛት የተነበቡ ዜናዎች

ኢሞቴት ቫይረስ በድጋሚ መከሰቱ ተነገረ
  • ኢሞቴት ቫይረስ በድጋሚ መከሰቱ ተነገረ Thu, 26 Sep 2019
ኢትዮጵያና እስራኤል በሳይበር ደህንነት መስክ በጋራ ለመስራት ተስማምተዋል
  • ኢትዮጵያና እስራኤል በሳይበር ደህንነት መስክ በጋራ ለመስራት ተስማምተዋል Wed, 25 Sep 2019
በኤሌክትሮኒክ መገልገያዎች ላይ የተጋረጠውን የሳይበር ደህንነት ስጋት እንዴት መቅረፍ እንችላለን?
  • በኤሌክትሮኒክ መገልገያዎች ላይ የተጋረጠውን የሳይበር ደህንነት ስጋት እንዴት መቅረፍ እንችላለን? Wed, 25 Sep 2019