Asset Publisher

ኤጀንሲው በህገወጥ መንገድ ወደ ሀገር ውስጥ ሊገቡ የነበሩ የመረጃ እና የመገናኛ መሳሪያዎችን መያዝ መቻሉን አስታወቀ

የኢንፎርሜሽን መረብ ደህንነት ኤጀንሲ (ኢመደኤ) በተለያዩ የሀገሪቱ የጉምሩክ ጣቢያዎች በህገወጥ መንገድ ወደ ሀገር ውስጥ ሊገቡ የነበሩ 6 የቴሌኮም ማጭበርበር (telecom fraud) ለማከናወን የሚያስችሉ መሳሪያዎች (Sim box) መያዙን አስታወቀ ፡፡

መሳሪያዎቹ በህገ ወጥ መንገድ ገብተው ቢሆን ኖሮ ሀገሪቱ ልታጣ ትችል የነበረውን ብር 68,531,670.00 (ስልሳ ስምንት ሚሊዮን አምስት መቶ ሰላሳ አንድ ሺህ ስድት መቶ ሰባ ብር) ማዳን መቻሉን በኤጀንሲው የሴኩሪቲ ክሊራንስ አገልግሎት ማዕከል ኃላፊ አቶ መስፍን ሙሉነህ ገልጸዋል፡፡
ኃላፊው እንደተናገሩት ኢመደኤ ባለፉት 6 ወራት ጊዜ ውስጥ ከቴሌኮም ፍራውድ መሳሪያዎች በተጨማሪ ለስለላ አገልግሎት የሚውሉ 60 ካሜራዎች እና ወደ ሀገር ከመግባታቸው በፊት በመያዝ መሳሪያዎች ሊያስከትሉ ይችሉ የነበረውን ጉዳት አስቀድሞ መከላከል ተችሏል::
በቀጣይም ኤጀንሲው የመረጃ እና የመገናኛ መሳሪያዎች ላይ የሚያደረገውን ቁጥጥር ከአጋር አካላት ጋር በመሆን የሚሰራ ሲሆን ተቋማቱም ለሚያደርጉት ትብብር እና ድጋፍ ምስጋናው ላቅ ያለ መሆኑን ኃላፊው ጨምረው ገልጸዋል ::
ኢመደኤ በአዋጅ ከተሰጡት ተግባርና ሀላፊነቶች አንዱ በአገራዊ የደህንነት ስታንዳርድ እና መመዘኛ መሰረት የኢንፎርሜሽን ቴክኖሎጂ ምርቶችን፣ ስርዓቶችን ወይም የስራ ሂደት የቅድመ ልማት፣ ቅድመ ግዢ ወይም ቅድመ ትግበራ ፍተሻ እና ግምገማ ማድረግ ሲሆን፤ በሀገሪቱ በሚገኙ የጉምሩክ ጽ/ቤቶችና ኬላዎች እንዲሁም ፖስታ ቤቶች በኩል ወደ አገር ውስጥና ከሃገር ውጪ የሚወጡ የመረጃና የመገናኛ መሳሪያዎች ላይ የደህንነት ቁጥጥር /Security Clearance Inspection/ አገልግሎት እንደሚሰጥ ይታወቃል ፡፡

Most Viewed Assets

በብዛት የተነበቡ ዜናዎች

ኢሞቴት ቫይረስ በድጋሚ መከሰቱ ተነገረ
  • ኢሞቴት ቫይረስ በድጋሚ መከሰቱ ተነገረ Thu, 26 Sep 2019
ኢትዮጵያና እስራኤል በሳይበር ደህንነት መስክ በጋራ ለመስራት ተስማምተዋል
  • ኢትዮጵያና እስራኤል በሳይበር ደህንነት መስክ በጋራ ለመስራት ተስማምተዋል Wed, 25 Sep 2019
በኤሌክትሮኒክ መገልገያዎች ላይ የተጋረጠውን የሳይበር ደህንነት ስጋት እንዴት መቅረፍ እንችላለን?
  • በኤሌክትሮኒክ መገልገያዎች ላይ የተጋረጠውን የሳይበር ደህንነት ስጋት እንዴት መቅረፍ እንችላለን? Wed, 25 Sep 2019