Asset Publisher

“ትኩረት ለሳይበር ደህንነት” በሚል መሪ ቃል ሲከበር የነበረው ብሔራዊ የሳይበር ደህንነት ሳምንት ስኬታማ በሆነ ሁኔታ መጠናቀቁ ተገለፀ

 

ከጥቅምት 24 እስከ 30/2012 ዓ.ም ድረስ "ትኩረት ለሳይበር ደህንነት" በሚል መሪ ቃል ሲካሄድ የቆየው የሳይበር ደህንነት ሳምንት ሀገራዊ የሳይበር ደህንነት ግንዛቤን ከማጎልበት አንጻር ስኬታማ ሆኖ መጠናቀቁን የኢንፎርሜሽን መረብ ደህንነት ኤጀንሲ ገለጸ

የኢንፎርሜሽን መረብ ደህንነት ኤጀንሲም በተሰጠው ተልዕኮ መሰረት ቁልፍ የመንግስት ተቋማትን እና መሰረተ ልማቶችን ከሳይበር ጥቃት መጠበቅ በመሆኑ እና ይህንን ስራ ለመስራት ቀዳሚው እርምጃ ህብረተሰብ ስለ ሳይበር ምህዳር ዋጋ እና ግንዛቤ መስጠት በመሆኑ ይህንን የሳይበር ደህንነት ሳምንት አዘጋጅቷል፡፡

የኤጀንሲው የኮሙኒኬሽን ጉዳዮች ዳይሬክተር አቶ ሰለሞን ተስፋዬ እንደገለጹት በሀገራችን ለመጀመሪያ ጊዜ በተካሄደው የሳይበር ደህንነት ወርክ ሾፕ እና አውደ ራዕይ ላይ ከ3 ሺህ በላይ ከተለያዩ የሚኒስቴር መስሪያ ቤቶች፣ የሰላም እና ደህንነት ተቋማት እንዲሁም የኢትዮጵያ ንግድ ባንክን ጨምሮ የተለያዩ የፋይናንስ እና የቴክኖሎጂ ተቋማት ተሳታፊ ሆነዋል፡፡

የሳይበር ጥቃት ዋነኛ ምንጭ የሆነውን በሰዎች ዘንድ ያለው የሳይበር ደህንነት ግንዛቤ እጥረት እና ትኩረት ማነስን አስመልክቶ በየደረጃው ለሚገኙ ባለሙያዎችና የስራ ሀላፊዎች ግንዛቤን ለማጎልበት የሚረዱ የተለያዩ ስራዎች በሳምንቱ መከናወናቸውን የገለጹት ዳይሬክተሩ ተቋማት በሰራተኞቻቸው ዘንድ የሳይበር ደህንነትን ባህል ከማጎልበት ጀምሮ የተለያዩ ማዕቀፎችን በማዘጋጀት የመከላከሉ አካል መሆን እንዳለባቸው ግንዛቤ መሰጠቱን ተናግረዋል፡፡

በተለይ ለሳይበር ጥቃት  ይበልጥ ተጋላጭ ሊሆኑ ከሚችሉና በዕለት ተዕለት ተግባራቸው የሳይበር መሰረተ ልማትን ከሚጠቀሙ ተቋማት ጋር ቅንጅታዊ ስራን በማጠናከር ሀገራዊ የሳይበር ደህንነትን ለማረጋገጥ ከመግባባት ላይ ተደርሷል፡፡

የሳይበር ደህንነት ሳምንቱም ሀገራዊ ንቅናቄ በመፍጠር ረገድ እና የሳይበር ደህንነትን ለማስጠበቅ ተቋማት እና ማህበረሰቡ ላይ ጥሩ መነቃቃት እንዲኖር በጎ አበርክቶት መስጠት ችሏል፡፡

ከአመት አመት በሀገራችን ላይ እየጨመረ የመጣውን የሳይበር ጥቃት ለመከላከል ተቋሙ ከሚሰራው ስራ ባሻገር ሁሉም ተቋማት እና ማህበረሰቡ ሃላፊነት እንዳለበት መግባባት ላይ የተደረሰበት ሆኖ አልፏል፡፡

የሳይበር ደህንነት ሳምንትን አስመልክቶ መረጃን ለማህበረሰቡ በማድረስና ተሳታፊ በመሆን መገናኛ ብዙሀን ላበረከቱት አስተዋጽኦ በኤጀንሲው ስም ምስጋናቸውን የገለጹት አቶ ሰለሞን በቀጣይም በአለም አቀፍ ደረጃ አምስተኛው የሥጋት ምንጭ እየሆነ የመጣውን የሳይበር ጥቃት ለማስገንዘብና ለመከላከል መገናኛ ብዙሀን የበኩላቸውን ሚና መወጣት እንደሚጠበቅባቸው አስታውሰዋል፡፡

በቀጣይም ኤጀንሲው የሳይበር ደህንነት ንቃተ-ህሊናን ለማጎልበት ከማህበረሰቡና ከተቋማት ጋር ለመስራት ዝግጁ መሆኑን ዳይሬክተሩ ገልጸዋል፡፡

Most Viewed Assets

በብዛት የተነበቡ ዜናዎች

ኢሞቴት ቫይረስ በድጋሚ መከሰቱ ተነገረ
  • ኢሞቴት ቫይረስ በድጋሚ መከሰቱ ተነገረ Thu, 26 Sep 2019
ኢትዮጵያና እስራኤል በሳይበር ደህንነት መስክ በጋራ ለመስራት ተስማምተዋል
  • ኢትዮጵያና እስራኤል በሳይበር ደህንነት መስክ በጋራ ለመስራት ተስማምተዋል Wed, 25 Sep 2019
በኤሌክትሮኒክ መገልገያዎች ላይ የተጋረጠውን የሳይበር ደህንነት ስጋት እንዴት መቅረፍ እንችላለን?
  • በኤሌክትሮኒክ መገልገያዎች ላይ የተጋረጠውን የሳይበር ደህንነት ስጋት እንዴት መቅረፍ እንችላለን? Wed, 25 Sep 2019

Asset Publisher

ዜና

  • በኢትዮጵያ በፋይናንስ ተቋማት ላይ የተቃጣው የሳይበር ጥቃት ከ200 በላይ በሆኑ ጥቃት አድራሾች የተከሰተ ነው Fri, 6 Dec 2019
በኢትዮጵያ በፋይናንስ ተቋማት ላይ የተቃጣው የሳይበር ጥቃት ከ200 በላይ በሆኑ ጥቃት አድራሾች የተከሰተ ነው
  • በፋይናንስ ተቋማት ላይ ሊደርስ የነበረውን የሳይበር ጥቃት ማክሸፍ ተቻለ Thu, 5 Dec 2019
በፋይናንስ ተቋማት ላይ ሊደርስ የነበረውን የሳይበር ጥቃት ማክሸፍ ተቻለ
  • ጉግል በሦስት ወራት ውስጥ 12,000 የሳይበር ጥቃት ማስጠንቀቂያዎችን መላኩ ተሰማ Fri, 29 Nov 2019
ጉግል በሦስት ወራት ውስጥ 12,000 የሳይበር ጥቃት ማስጠንቀቂያዎችን መላኩ ተሰማ