Asset Publisher

“ትኩረት ለሳይበር ደህንነት” በሚል መሪ ቃል የሚከበረው የብሄራዊ የሳይበር ደህንነት ግንዛቤ ማስጨበጫ ሳምንት በይፋ ተጀመረ

በኢንፎርሜሽን መረብ ደህንነት ኤጀንሲ የተዘጋጀው የመጀመሪያው ብሄራዊ የሳይበር ደህንነት የግንዛቤ ማስጨበጫ ሳምንት በአፍሪካ ኢኮኖሚ ኮሚሽን የስብሰባ አዳራሽ በይፋ ተጀመረ፡፡

የኢንፎርሜሽን መረብ ደህንት ኤጀንሲ ዋና ዳይሬክተር ወ/ሮ ኤፍራህ አሊ በመክፈቻ ስነ-ስርዓቱ ላይ ባስተላለፉት መልዕክት የሳይበር ደህንነት ግንዛቤ ማስጨበጫ ሳምንትን የማክበር ዓላማ በዘርፉ ያለው ንቃተ-ህሊና ዝቅተኛ በመሆኑ የህብረተሰቡንና የተቋማትን ግንዛቤ ለማሳደግ እንደሆነ ገልፀዋል፡፡

በሀገራችን ከዓመት አመት እየደረሰ ያለው የሳይበር ጥቃቶች በየጊዜው እያደጉ መምጣታቸውን የገለጹት ዋና ዳይሬክተሯ ሁሉም የህብረተሰብ ክፍል ከምንግዜውም በበለጠ ለሳይበር ደህንነት ትኩረት ሊሰጥ ይገባል ብለዋል፡፡

ሰላም ሚንስቴር ሚኒስትር ዴኤታ አቶ ዘይኑ ጀማል በበኩላቸው “ትኩረት ለሳይበር ደህንነት” በሚል መሪ ቃል የሚከበረው የሳይበር ደህንነት ሳምንት ወቅቱን የጠበቀ እና የማህበረሰቡን ግንዛቤ ለማሳደግ አጋዥ ነው ብለዋል፡፡

ዓለም በሳይበር ምህዳር አንድ መንደር በሆነችበት በዚህ ዘመን የሳይበር ሃይል ከገንዘብ፣ ከጦር መሳሪያ እና መሰል አቅሞች በላይ የሆነ የዘመናችን ቁልፍ መወዳደሪያ አቅም መሆኑን ሚኒስትር ዴኤታው አቶ ዘይኑ ጀማል ገልፀዋል፡፡

ሚንስትር ዴኤታው የሳይበር ደህንነት ለሃገራችን አዲስ እና በርካታ የሰለጠነ የሰው ሃይል የሚፈልግ እንደመሆኑ መጠን በዘርፉ የተሰማራውን የሰው ሃይል አቅም በመገንባት እና አዲስ የሰው ሃይል በማልማት አስፈላጊውን የቴክኖሎጂ ግብዓት በሟሟላት ሊመጣብን ከሚችል ማናቸውም ጥቃት ራሳችንን መጠበቅ እንችል ዘንድ መንግስት ዘርፉን ለማሳደግ አስፈላጊውን ሁሉ እገዛ እንደሚያደርግ ተቁመዋል፡፡

የህረተሰቡን አስተሳሰብ በመቀየር ረገድ የመሪነት ሚናን የሚጫወቱት የመገናኛ ብዙሃን የሳይበር ደህንነት ጉዳይ የሁሉም ሃላፊነት መሆኑን በመረዳት በፕሮግራሞቻቸው አንድ አካል አድርገው በመቅረጽ ሊሰሩ እንደሚገባ አቶ ዘይኑ ጀማል ገልጸዋል፡፡

የሰላም ሚንስትር ዴኤታው ኢመደኤ ያዘጋጀውን ትኩረት ለሳይበር ደህንነት ሳምንት እንደ መልካም አጋጣሚ በመጠቀም ተቋማት የመስሪያ ቤቱን አመራሮች እና ሰራተኞችን እንዲሁም የዜጎችን የሳይበር ደህንነት ግንዛቤ ለማሳደግ የበኩላችሁን ልትወጡ ይገባል ሲሉ አሳስበዋል፡፡

የሳይበር ደህንነት ግንዛቤ ማስጨበጫ ሳምንት በዓለም ለ16ኛ ጊዜ በኢትዮጵያ ለመጀመሪያ ጊዜ እየተከበረ ይገኛል፡፡

 

Most Viewed Assets

በብዛት የተነበቡ ዜናዎች

Cybergna season 01 Ep 01 P2
  • Cybergna season 01 Ep 01 P2 Tue, 1 Oct 2019
ኢሞቴት ቫይረስ በድጋሚ መከሰቱ ተነገረ
  • ኢሞቴት ቫይረስ በድጋሚ መከሰቱ ተነገረ Thu, 26 Sep 2019
ኢትዮጵያና እስራኤል በሳይበር ደህንነት መስክ በጋራ ለመስራት ተስማምተዋል
  • ኢትዮጵያና እስራኤል በሳይበር ደህንነት መስክ በጋራ ለመስራት ተስማምተዋል Wed, 25 Sep 2019